×

ewink لتجربة أفضل، حمل تطبيق

بتستخدمي العدسات كتير في حياتك و مش بتقدري تستغني عنها لو عندك فرح او خروجه باليل ومحتاجه ان شكل عينك تظهر فريش اكتر ومختلفة

ده غير كمان ان العدسات ممكن تكون حل بديل لو مش حابه إنك تلبسي نظارات وخصوصا ان العدسات

مؤخرا بقت أسهل وأرخص من طرق كتير وممكن تستغني بيها عن عمليات الليزك الي اغلبها بتكون غالية وصعبة.

تقدري بشوية خطوات بسيطة تعرفي ايه المدة الاحسن اللي يفضل إنك تلبسي اللينسيز فيها وازاي ممكن تغيريها وتلبسيها بسهولة

وكمان ازاي تحافظي على العدسة صحية ونظيفة لأطول وقت من غير متبذلي مجهود كبير وازاي ممكن تخلصي من التهابات العين وكل المشاكل اللي ممكن تتعرضي ليها بسبب العدسة سواء الطبية او التجميلية.

فلو بتحبي شكل عينك اكتر بالعدسات وبتحتاري دايما ايه نوع اللينسز اللي ممكن تشتريها وايه الاحسن العدسات اليومية ولا الشهرية، هتعرفي كل ده معانا وكمان ازاي

تعتني بالعدسات اليومية والشهرية، وايه الأضرار اللي ممكن تحصل لو استخدمتي اللينسيز اليومية لأكثر من يوم واحد، وازي ممكن نخلي العدسات الشهرية تفضل نضيفة وصحية للعين لأطول وقت من غير ماتسبب اي مشاكل في العين.

العدسات اليومية

هي لينسيز بتقدري تلبسيها لمدة يوم واحد بس من 6 ل8 ساعات (لينك العدسات اليومية)، بينصح بيها معظم الدكاترة عشان بتقدر تقلل من تراكم الرواسب على العين.

العدسات اليومية بتدي فرصه أقل لظهور التهييج ولطيفة ورقيقة على العين وهي بتكون أفضل نوع خصوصا لو عينك بتعاني على طول من احمرار أو التهابات .

ازاي أقدر اهتم بالعدسات اليومية؟

ميزة اللينسيز اليومية انها مش محتاجة اهتمام كبير لأنك اخر اليوم بتقدري تقلعيها بسهولة وترميها مش هتحتاجي محلول او تنظيف

بشكل دايم فهي هتوفر عليكي الوقت الكبير اللي بتضييعيه في إنك تنظفيها عشان كده اللينسيز اليومية أفضل انواع العدسات.

ايه الاضرار اللي ممكن تحصل لو لبست العدسات اليومية اكتر من مرة؟

لو لبستي اللينسيز اليومية اكتر من مرة ممكن يحصل التهابات للعين او توهج او حساسيه والأضرار دى بتحصل على حسب انتى لبستيها كام مرة أو طريقه اهتمامك بيها.

العدسات الشهرية

عدسات بتقدري تستخدميها لمده اطول ممكن توصل لأسبوعين او شهر كامل وبتقدري إنك بعد كده تبدليها (لينك العدسات الشهرية).

ازاي اهتم بالعدسات الشهرية؟

الينسيز الشهرية بتحتاج اهتمام أكبر من اليوميه فعشان كده بتحتاجي إنك تستخدمي المحلول بشكل مستمر عشان تحافظي عليها لمده أطول، العدسات الشهرية بتكون اقل تكلفة من العدسات اليومية عشان مش بتحتاجي إنك تغيريها كل يوم.

حابه تستخدمي العدسات الشهريه اكتر بس مش عارفه ازاي ممكن تحافظي عليها إنها تكون نضيفه لأطول وقت؟ لازم تقلعيها قبل النوم وتحطيها في المحلول الخاص بيها (لينك المحلول) عشان تقدري تستخدميها تاني يوم.

كمان بتسمح ليعينك دخول كمية أكبر من الأكسجين فيحافظ عليها بيضاء أكتر وصافية فبتقدر تتنفس بشكل أفضل .

اضرار العدسات الشهرية لو لبستيها لأكثر من شهر

العدسات الشهريه لازم تغيريها بعد الشهر عشان ممكن تتأكل او تتحلل وتضر عينك بشكل كبير.

عدسات النظر

العدسات الطبية بتكون بديل أفضل عن النظارات عشان بتديكي ثقة أكبر وكمان بتسهل عليكي حركتك من غير متخافي انها ممكن تقع او تتكسر

عشان كده العدسات بتكون أسهل ومش بتكوني قلقانة لو حصلها اي حاجة زى النظارات اللي ممكن تتعرض لخدش او كسر وبتقيد حركتك .

ناس كتير بتخاف من اللينسيز الطبية وإنها ممكن تلاقي صعوبة انها تلبسها لكن لبس العدسات الطبية سهل ومريح للعين اكتر من النظارات. اللينسيز النظر

ليها هى كمان وقت معين وبعدين بتتغير، ويفضل انها تتغير بشكل متكرر زي عدسات التجميل .

ايه المدة اللي أقدر إني البس فيها العدسات؟

في عدسات طبية يومية لمده يوم واحد بس وتقلعيها اخر اليوم، وفي عدسات لمدة أسبوعين او شهر، وعلى حسب مستوي نظرك او المشكلة اللي بتعاني منها تقدري تحددي نوع العدسة اللي تناسبك.

بتختلف عدسات النظر عن عدسات التجميل عشان بتعالج اكتر مشكلات العين زى قصر وطول النظر ومشكلات تصحيح الرؤية (لينك عدسات النظر)، ومدة

استخدامها كمان بتختلف عشان بتعتمد بشكل أكبر على النوع اللي انتي بتلبسيه.

ازاي اهتم بعدسات النظر بشكل أفضل؟


  1. اغسلي ايدك ونشفيها كويس قبل الاستخدام.
  2. ابعدي العدسات عن الماية على قد متقدري.
  3. متستخدميش محلول ملحي عشان ميضرهاش.
  4. متستخدميش نفس المحلول كل مرة وبدليه بشكل مستمر.
  5. في حاله لو ظهر أي اضرار من العدسات الطبية على العين استشيري دكتورك الخاص او افحصي عينك بشكل سنوي.
  6. حاولي متتعرضيش لحرارة بشكل مباشر لأنها بتسبب جفاف العدسة.
  7. متفركيش عينك بشكل مستمر عشان العدسة تفضل في عينيك.
  8. حافظي على إزازة المحلول مقفولة بشكل محكم دايما.
  9. غيري علبة العدسات كل 3 شهور.
  10. ابعدي عن الدخان ودرجات الحرارة العالية عشان تحمي العدسة من الجفاف.
  11. اتبعي الإرشادات الموجودة على علبة المحلول والعدسات عشان تقدري تحافظي على العدسة نضيفة وصحية لأطول وقت.

ايه الاضرار اللي ممكن تحصل لو لبست العدسات الطبية لمده طويلة؟

العدسات الطبية بتتعرض لخدوش لو طولت مده لبسها وبيحصل كمان تشويش للرؤية وألم شديد ورؤية هالات سودا في اي مصدر للنور.

كمان لما بتنتهى المدة اللي المفروض نلبس فيها العدسة بتبدأي تحسي بعدم الراحة ويبدأ يظهر احمرار وحرقة بشكل كبير للعين.

لو محتاجة تعرفي اكتر عن ايه أفضل انواع العدسات تقدري تعرفيها من هنا (اللينك ) وكمان اكتبيلنا المعلومات التانية اللي محتاجة تعرفيها عشان تكون معانا المرة الجاية.