إي وينك... لصحة وجمال عينك  

 

 لأن العيون دايمًا من أكتر الحاجات اللي بتظهر الجمال وبتلفت النظر كان لازم تاخد حقها ويكون لها مكان متخصص للعناية بصحتها وجمالها. ده اللي فكرنا فيه لما جينا نعمل إي وينك، قررنا نعمل موقع واحد عليه كل المنتجات الخاصة بالعيون من أول العدسات والنظارات الطبية ونظارات الشمس لحد المكياج والرموش. 

  إي وينك موجود عشان يساعد كل واحدة انها تظهر جمال عينيها بالشكل اللي نفسها فيه. هنقدم في البلوج نصايح كتير مفيدة تخليكي تعبري عن جمال عينك باستخدام أفضل المنتجات الأصلية للعيون،

يعني هنعرفك على أحسن طريقة تستخدمي بيها المنتجات عشان توصلي للشكل اللي تحبيه لعنيكي.

eyewear beauty

  

 مين إي وينك؟

 

  اول موقع متخصص في مصر يهتم بكل حاجة تخص العين من ميك اب، عدسات، رموش، نضارات، وكل إكسسوارات العين. مهمتنا نسهل عليكي تعرفي الأفضل لعنيكي وكمان نوفرلك المنتجات الأصلية من أفضل الماركات في مكان واحد تطلبي منه واحنا نوصلهالك لحد عندك. مش هتحتاجي تعملي مجهود او تدوري كتير، عشان كل ماركة مش بتلاقيها في السوق هتلاقيها موجودة عندنا. من الآخر، هتوفري وقتك ومجهودك وفلوسك وهتستمتعي بجمال عينيكي بأسهل طريقة. 

  

eyewear beauty

  

ايه الحاجات الى هتقدري تعرفيها مع إي وينك؟ 

 

  إي وينك هتعرفك في خطوات بسيطة إزاي تقدري تنسقي ميك اب العين وازاى تختاري ألوان الأيشادو اللي تليق مع كل فترة في يومك، سواء في شغل او في خروجة مع أصحابك او سهرة بالليل.  

  هنقربك اكتر لنجماتك اللي بتحبيهم وهنعرفك ازاى بيختاروا اللوك بتاعهم، وكمان من خلال فيديوهات بسيطة هتعرفي ازاى تدمجي أكتر من لون في الميك أب عشان تظهري عينك بشكل مختلف ومميز كل يوم. 

eyewear beauty 

 هتقدري تعرفي أحدث الماركات وخطوط الموضة الجديدة في الميك أب والوان العدسات والنضارات، وكمان إزاي تختاري مقاسات العدسات الطبيه بسهولة معانا هتعرفي إزاي تهتمي بعينك، وتحافظي على الميك اب لوقت أطول. ولو بتلبسي عدسات هنساعدك تعرفي أحسن الطرق عشان تحافظي عليها وعلى صحة عينيكي وايه المحلول المناسب عشان تستخدميه 

 هنتكلم في أفضل الحلول للقضاء على الهالات السوداء، انتفاخ العين، والتجاعيد وكل ده بخطوات سهلة وبسيطة.

طبعا كل دي مواضيع أساسية ومفيدة لكل واحدة بتستخدم منتجات العناية بالعيون سواء الخاصة بالنظر أو الجمال، وأكيد فيه مواضيع أكترهتكون موجودة معانا الفترة الجاية..