إيه هى طريقة تركيب الرموش  المناسبة ؟

الرموش ليها انواع كتير وتقدري تختاري النوع والشكل اللي حابه إنك تروحي بيه الجامعة او خروجه مع اصحابك او حتى تنزلي بيها الشغل, بس دايما بتفضل عندنا نفس المشكلة إيه هي طريقة تركيب الرموش من غير تعب او ألم؟

1- لازم في البداية تختاري شكل الرموش المناسب لعينك

2- طلعي الرموش بخفة من العلبة

3-حطي الرموش على عينك في الاول عشان تتأكدي ان حجمها وطولها مناسب لعينك

4- حطي الرموش على ايدك و حطي اللزق في الجزء اللي عند الجفون

5-متحطيش لاصق كتير على الرموش

6-سيبي الرمش ينشف لمدة عشر ثواني

وباقي خطوات تركيب الرموش هنوضحهالك في الموضوع، لكن لازم تبقى عارفه إن في افكار كتير عن طريقة تركيب الرموش وانواعها و احنا هنقولك فى خطوات بسيطة ازاي تعرفي أحسن الانواع وايه الفرق بين الرموش المغناطيسية والرموش اللي بنستخدم معاها اللاصق.

في اوقات كتير رموشك مش بتكون في أحسن حالاتها بسبب الارهاق و بسبب الوقت الكبير اللي بتقضيه في شغلك ممكن متلاقيش الوقت اللي تقدري فيه تهتمي برموشك او تستخدمي زيوت او مواد تانية تخليها تطول أسرع، فمعظمنا بيتجه للحلول الاسرع اللي تبين شكل الرموش أحسن لوقت طويل وأحسن بديل هو الرموش الصناعية.

ممكن تحسي ان في اوقات او اماكن مينفعش ألبس فيها الرموش عشان الرموش بتتركب وقت الافراح بس او المناسبات او ممكن خروجه مع اصحابي او اهلي، لكن مش شرط ممكن تركبي الرموش في اماكن زي الجامعة او شغلك وهتبان شكلها حلو وطبيعية وخصوصا لو كان عندك مشكلة في رموشك انها قصيره ونفسك يكون شكلها أطول، او شكلها مش متساوي وحابه رموشك كلها تكون نفس الشكل والمستوى.

تعالي معانا وهتعرفي بشوية خطوات إيه هي أفضل طريقة تركيب الرموش، جبنالك أكتر من طريقة لتركيب الرموش حسب ترشيحات كتير من المبتدئين والمحترفين في تركيب الرموش عشان تختارى الأسهل فيهم بالنسبالك.

رموش صناعية

طريقة تركيب الرموش الصناعية بسهولة

لو كنتي لسه مبتدئه فى انك تركبي الرموش ممكن تقدري بشوية خطوات تعرفي ازاي تركبيهم من غير اي مشكلة، واحنا وفرنالك 5 طرق مختلفة تقدرى تركبي بيهم الرموش:

الطريقة الأولي :

1- لازم في البداية تختاري شكل الرموش المناسب لعينك او اللي انتي بتفضليه سواء الشكل الطويل او الكثيف.

2- طلعي الرموش بخفة من العلبة عشان ممكن تتقطع او تقع منها اي شعره.

3- حطي الرموش على عينك في الاول عشان تتأكدي ان حجمها وطولها مناسب لعينك ولو في زيادة تقدري تستخدمي المقص وتقصي اي زيادات.

4- حطي الرموش على ايدك و حطي اللزق في الجزء اللي عند الجفون.

5- متحطيش لاصق كتير على الرموش وزودي في الزاوية عشان يساعد الرموش تثبت اكتر.

6- سيبي الرمش ينشف لمدة عشر ثواني وبعدين حطيه على الجفن.

7- استخدمي مرايه عشان تقدري تحطي الرمش بشكل صح من غير اي غلطات.

8- بعد متحطي الرموش استخدمي ملقاط الحواجب عشان تقدري تحطي الشعيرات فى مكانها الصح.

9- اقفلي عينك لمدة دقيقه وافتحيها ببطء واستخدمي الملقاط عشان تفصلي الرموش اللي فوق عن اللي تحت.

10-وفى الاخر ممكن تستخدمي الماسكارا او الايشادو عشان تتدمجي شكل الرموش اكتر مع رموشك الطبيعية.

11- لو حسيتي ان في مسافة بين الجفن والرموش الصناعية والطبيعية ممكن تستخدمي الايلاينر او الكحل عشان تخفيها.

 

الطريقة الثانية :

طريقة تركيب الرموش الفردية 

1- إشترى الرموش الفردية من موقع إي وينك.

2- جهزى الملقط عشان هيساعد في تركيب الرموش.

3- فكى الرموش عن طريق الملقط.

4- إفردى لاصق الرموش على قطعة خشب صغيرة.

5- إفردى الغراء على طرف الرمش مع تثبيته على مكان فارغ على الرموش في الجفن الأعلى.

6- كررى الخطوة السابقة لحد مالرموش تتملى على حسب الرغبة.

7- سيبي الرموش تجف لمدة دقيقة واحدة.

8- إستخدمى الماسكرا لدمج الرموش الطبيعية مع الصناعية.

 طريقة تركيب الرموش

الطريقة الثالثة

طريقة تركيب الرموش السفلية 

1- ضعي المكياج المناسب لعينك.

2- استخدمي غراء الرموش، حطى منه كمية صغيرة علي قطعة خشب واتركيه ثواني لحد ماينشف ويبقى لزج.

3- استخدمي الملقط لالتقاط رموشك الفردية، وثبتيه في مكان محدد واغمسي النهاية في لصق الرموش.

4- حطى أول رمش فردي على خط الرموش السفلي، وكررى العملية لحد ماتحصلى على مجموعتين من الرموش السفلية.

 

الطريقة الرابعة

طريقة تركيب الرموش المغناطيسية

1- كالعادة بنتأكد إن الرموش مناسبة لحجم العين.

2- بنوضع الرموش المغناطيسية على الرموش الطبيعية للصق.

3- قومي بالضغط عليهم بالأصابع.

4- قومى بوضع الماسكرا لدمج الاثنين مع بعض.

 طريقة تركيب الرموش المغناطيسية

طريقة إزالة الرموش الصناعية بسهولة

1- ممكن تشليها بسهولة لو استخدمتي مزيل المكياج بقطنة صغيرة على الرموش اكتر من مره.

2- لو عايزة تشيلي الماسكارا او اللاصق من على الرموش ممكن تحطيها فى مياه دافية.

3- حاولي تحطيها فى علبة  خاصة بيها عشان تقدري تستخدميها اكتر من مرة.

 

وقبل ماتشترى الرموش لازم تختارى الرموش المناسبة ليكي عشان كدا هنعرفك إيه هي أحلى ماركات الرموش، اللي بتوفر رموش بماتريال نضيفة جداً متسببش أي أضرار لرموشك وعينك.

أحسن ماركات الرموش

1- لورد آند بيري

بتتميز رموش لورد آند بيري انها خفيفة على الجفن كمان مصنوعة من شعر طبيعي فتبان شكلها طبيعي اكتر على العين، بتقدري تستخدميها اكتر من مرة ده غير انها كمان بتتدي وسع اكتر لعينك فتدي شكل جذاب اكتر. 

2- أرديل

رموش أرديل سعرها مناسب، ليها انواع واشكال مختلفة فبتقدري تختاري الشكل المناسب لعينك اكتر وكمان مش بتحتاجي تستخدمي معاها ماسكارا.

3- أندريا 

تتميز رموش أندريا بجودتها العالية وبتدى شكل بسيط للعين وجذابة وشكلها أقرب للطبيعى.

4- كيس 

رموش كيس بتتميز ببساطتها فى حالة لو مكنتيش بتحبي الرموش الطويلة او الكثيفة على عينك فهي بتقدر تبان طبيعية اكتر ومش بتحسي أنك مركبه رموش على عينك.

5- إيسنس

رموش إيسنس بتتميز بجودة خاماتها اللي مش بتخليكي تحسى إنك مركبة أي رموش وفي نفس الوقت منتشرة جداً وكل البنات بتحبها.

6- كاتريس

بتتميز رموش كاتريس إنها بتبان طبيعية اكتر وخفيفة علي العين واحجامها مناسبة للجميع.

 رموش صناعية

لاصق الرموش

في النهاية لازم تعرفى دايما تختاري لاصق مناسب لكل الرموش وانواعه عشان يحافظ على ثبات الرموش اكتر وقت من غير ماتقع او تبان شكلها مش طبيعي، في طريقتين عشان تلصقي بيهم الرموش ممكن تستخدمي اللصق العادي او بيكون في رموش مغناطيسية بتتركب من غير متحتاجى لأي لاصق، لاصق الرموش بتقدري تشيليه بسهولة بمياه دافيه او بمزيل المكياج العادي.

لو محتاجة تعرفي اكتر او عندك سؤال تاني عن الرموش عايزه تعرفي اجابته ابعتلنا فيى الكومنتات وهنرد عليكي.